Pig-arestar kan mga personahe kan Federal Immigration an sarong paratukdo sa sarong day care center sa Chicago huli soboot sa kakulangan nin dokumento para sa legal na pagtinir sa Estados Unidos.
Sigun sa mga report, naglaog an mga personahe kan Immigration and Customs Enforcement (ICE) sa Rayito de Sol Day Care School for Spanish Language, kun saen pig-arestrar an paratukdo sa hampang mismo kan saiyang mga estudyante.
Sapiritan soboot ining dinara paluwas nin eskwelehan nin mayong pigpahiling na warrant of arrest gikan sa mga otoridad.
Pigbisto kan Department of Homeland Security an paratukdo komo si Diana Patricia Santillana Galeano, sarong Colombian na igwang work authorization tanganing magtukdo.
Piglinaw kan ahensya na an pagkakaigwa kan work authorization dae boot sabihon igwang legal na derechos tanganing magtinir sa Estados Unidos.
An mga siring kaining pag-aresto sa mga imigrante parte kan kampanya ni U.S. President Donald Trump na obhetong linigon an Amerika gikan sa mga imigranteng mayong bastanteng dokumento tanganing legal na magtinir sa nasyon.
