Nakatalaan na magkundusir nin show si Park Ji Hoon sa Maynila.
An South Korean singer-actor maganap sa “The Iconic” show sa Marso 7, 2026 sa SM Mall of Asia Arena. Pig-anunsiyar ini kan JCPremiere, sarong health and wellness brand na saiyang pig-eendorso, sa Facebook.
Alagad an detalye dapit sa mga ticket dae pa pigluluwas.
Marurumduman huring nagbisita an korean actor sa Maynila kan 2023 para sa Korea Travel Fiesta.
Pigpuunan ni Park Ji Hoon an saiyang karera komo child actor asin nagtapos komo panduwa sa ikaduwang season kan reality show na “Produce 101” kan 2017.
Saro man ining dating miyembro kan boy group na Wanna One. Nag-debut ini komo solo artist kan 2019 sa paagi kan EP na “O’Clock.”
Kaiba sa mga kanta ni Park Ji Hoom an “Love,” “Gotcha,” asin“Wing.” Bistado man ini sa saiyang papel sa “Flower Crew: Joseon Marriage Agency,” “Love Revolution,” “At a Distance, Spring Is Green,” asin “Weak Hero Class.”
