Pigsierto kan mga miyembro kan Party-list Coalition Foundation Inc. o PCFI sa Kamara an pagpapadagos kan saindang dae matatawarang suporta para ki House Speaker Faustino “Bojie” Dy III.
Sa Manifesto of Support na pigheras ka mga miyembro kan PCFI pigtawan-duon an importansiya kan unifying leadership sa House of Representatives na iyong piggagampanan ni Dy.
Pigpuri kan PCFI an paglalapigot ni Dy na maibusol an dayalog, mapababa an tensyon, asin magpautob kan totoo na kolaborasyon sa mga kongresista orog na sa tahaw kan mga maiinit na isyu sa poltika.
Pigtawan duon kan PCFI, padagos sindang nagtitiwala sa kakayanan ni Dy na giyahan an Kamara sa sarong patas asin transparent na paagi ngunyan na nahahampang an nasyon sa dakol na huma.
Nagtutubod an PCFI na sa irarom kan liderato ni Dy nagtitinir na nakatutok an legislative agenda sa repormang mapaangat sa mga komunidad, matao nin proteksyon sa demokratikong proseso, asin prayoridad an kapakanan kan kada pamilyang Pilipino.
