Nagpahayag nin bilog na suporta asin kumpiyansa ki Speaker Ferdinand Martin G. Romualdez an Party-list Coalition Foundation, Inc. (PCFI), na pigbibilog kan manlaen-laen na party-list organization sa Kamara de Representantes.
Sa sarong resolusyon, binisto kan koalisyon na pinamayuhan ni Ako Bicol Rep. Zaldy Co, an chairman kan House appropriations committee, an harani na kolaborasyon kan Kamara, sa iraraom kan pamamayo ni Speaker Romualdez, sa administrasyon ni Presidente Ferdinand Marcos Jr., asin Senado sa pag-aprubar kan mga mayor na prosopwesto, asin man an naabot na trayumpo sa pagsumiter nin mga prosopwesto kan Mababang Kapulungan kan Kongreso.
Segun sa koalisyon, namatinir kan Kamara an matibay na relasyon kaini sa Senado asin man Executive Branch tangani na masierto na tulos na maisusumiter an mga prosopwesto na prayoridad na maisabatas kan Legislative-Executive Development Advisory Council (LEDAC) tangani na mapamarhay an pagseserbisyo kan gobyerno sa publiko.
Pigsaysay kan grupo na an Kamara, sa irarom kan pamamayo ni Speaker Romualdez ay nakapagrehistro nin bagong rekord ngunyan na 19th Congress. Nag abot sa 13,454 prosopwesto an naisunad, 1,368 sa mga ini an naaprubaran, asin 166 an nagin Republic Act— 73 an nasyunal na ley asin 93 an lokal na ley.
Ini soboot ay nagtataas sa pamantayan kan pagigin produktibo kan Kamara sa pagseserbisyo sa publiko.
Segun pa sa koalisyon, an kapulungan ay nagpahiling nin pagkasararo sa pagproseso nin average na 12 prosopwesto kada sesyon sa laog nin 178 session days, na repleksyon soboot kan kamawotan na masimbagan an pangangaipuhan kan mga Pilipino.
Binisto man kan Party-list Coalition an mga imbestigasyong pigsagibo kan Kamara na sarong pagganap sa saindang oversight power.
Pigbilog soboot kan Kamara an Quad Comm tangani na hilingon an koneksyon kan mga Philippine offshore gaming operations, extrajudicial killings, kalakalan kan iligal na droga, asin Chinese syndicates, na pagpapahiling nin kamawotan kan Mababang Kapulungan atamanon an karapatang pantao asin pangingibabaw kan ley.
Segun pa sa koalisyon, an saindang mga miyembro ay saksi asin aktibong kaiba ni Speaker Romualdez sa pagpautob sa adhikain kaini.
Pigsaysay kan grupo na suportado kaini si Speaker Romualdez, an Senado, asin man an Office of the President sa pagpapadagos kan mga lakbang pasiring sa legislative excellence asin pag-uswag kan nasyon.
