Ipinagpasalamat kan anti-crime and corruption advocates group an patanid na inihayag kan Korte Suprema mapadapit sa pagkuriyat kan mga pekeng dokumento sa presente.
Kun saen personal na nagpasiring ngunyan na aldaw sa opisina kan kataas-taasang hukuman an Coalition Against Corruption asin man Kilusang Pagbabago National Movement for Change tangani isumiter an sarong surat nin pagsuporta.
Sigun ki Monalie Dizon, secretary general kan nasambitan ng advocates group, saindang ipinaabot an pasasalamat asin man inihayag pa an pagsuporta sa isinapublikong patanid kan Supreme Court.
Marurumduman man na tinawan patanid kan korte suprema an publiko na igwa nin mga insidente nin pagpapakuryat kan mga pekeng notisya, kasuguan, resolusyon asin man iba pang dokumento.
Pinapaikay man an mga kahimanwa nin huli igwa nin mga nairehistrong kaso man nin pambibiktima kan nagkapirang indibidwal sa pagpapamalo-malo komo mga tauhan kan korte o court officials na iyong obhetong makapanikil nin kwarta.
Kaya man nin huli sa inisyatibong nin na pagtatao nin patanid sa publiko, iniabot kan nasambitan ng koalisyon an saindang pagsuporta tangani mabawasan an mga sirinng na klase kan panloloko sa nasyon.
Mientrastanto, kasabay man kan saindang pasasalamat ki Supreme Court Chief Justice Alexander Gesmundo ay nabanggit man kaini an katakod na insidente nin panloloko soboot sa saindang syudad kan Olongapo.
Soboot, may mga kaso man nin pagpapakuriyat nin pekeng dokumento asin pagpapanggap soboot kan pirang indibidwal kommo parte o opisyal kan gobyerno.
Kaya arog na sana an saindang pasasalamat makalihis an pagtataong patanid kan kataas-taasang hukuman.
