Pinasa na kan aktor na si Patrick Garcia an katoninongan manungod sa isyu na binayaan suboot kaini an dating nobya na si Jennylyn Mercado kan ini nagdadara nin aki.
Sinabi niya na sa limang aki niya, an pangganay na si Jazz an aki ninda kan aktres, mantang an apat an aki niya sa presenteng agom na si Nikka Martinez.
Idinagdag pa niya na nagin dakulang hamon para saiya an pag-ataman ki Jazz huli ta dai ini nag-iistar sa saiyang poder.
Poon pa kan 2021, pirang beses na siyang nagrani sa aktres alagad mayong nakukuang simbag.
Ipinaliwanag niya na kaya siya nagtaram huli sa mga kritisismo na saiyang nakukua, kaya an saro niyang aki na si Michelle an nag-engganyo sa aktor na magtaram na.
Nagkaigwa man nin isyu kan nagmimiting an aktres kun sain sinabi na dai daa ini sa aktor kaya naribong ini, kaya napiritan ining magrayo munna.
Poon kaidto, nagkaigwa nin dai pagkakaintindihan asin naputol na an komunikasyon, pati na an sustento kan aktor naputol huli ta dai niya makakaibahan an saiyang aki.
Giit niya na bakong maraot ini siring kan paghuna kan dakul na tawo, kaya bakong tama na sabihan siya nin arog kaiyan.
