Kinumpirma kan pamilya ni Gil Aducal Morales, na mas bisto sa showbiz bilang Ate Gay, an saiyang kagadanan sa paagi kan sarong pahayag na ipinaluwas sa saiyang official Facebook page kan na Nobyembre 1, 2026.
Segun sa pamilya, nagadan si Ate Gay matapos an maisog na pakikipaglaban para sa saiyang buhay, mantang napapalibutan kan saiyang mga namomotan sa buhay.
Bisto si Ate Gay bilang sarong komedyante asin impersonator kan batikang aktres na si Nora Aunor, na namotan kan dakul huli sa saiyang pagpapangirit asin pag-arog sa tinaguriang Superstar.
Nagpasalamat man an saiyang pamilya sa gabos na nagpaabot nin pamibi, pagkamoot, pinansyal na tabang asin suporta sa panahon kan saiyang helang. Hiling man ninda an padagos na pamibi para sa saiyang matuninong na kapahingaloan.
