Payo kan sarong motorista, haros marunot makalihis maligis nin pampasaherong bus
NAGA CITY- Haros magkarurunot an payo kan sarong motorista makalihis maligis kan sarong pampasaherong bus sa banwaan nin San Fernando, Camarines Sur.
Binisto an biktima na si Leonilo Murillo kan banwaan nin Magarao sa parehong probinsya.
Sa entrevista kan Bombo Radyo Naga ki PS/Insp. Rustom Dela Torre, Acting Chief of Police kan San Fernando PNP, sinaysay kaini na mantang pigbabagtas kan biktima an kalabaan kan tinampo sa nasambitan ng lugar lunad kan saiyang motorsiklo kan bigla ining inarado kan nakasunod na Reymond Bus na pigmamaneho ni Ronaldbien Hantid, 39-anyos.
Huli sa kusog kan pagkakabangga, nakaapon sa tinampo si Murillo kunsaen naligis pa an mismong payo kaini kan nasambitan ng bus na nagin rason kan saiyang tulos na pagkagadan.
Sa ngunian, nagtitinir na sa kustodiya kan mga otoridad an driver kan bus makalihis na magsuko sa mga otoridad.
