Kinumpirmar ni Presidential Communications Office Undersecretary asin Palace Press Officer Claire Castro sa press briefing sa Malakanyang an nakatalaang state visit ni Presidente Ferdinand Marcos Jr pasiring Cambodia sa masunod na bulan.
Sa katunayan, susog ki Castro an magigin travel date an magpuon sa Setyembre 7 hasta sa petsa 9.
Kinumpirmar man ni Castro an pag atendir ni Presidente Marcos sa United Nations General Assembly sa Setyembre.
Igwa nin kaplanuhan an an pag atendir kan nasambitan ng Presidente sa UNGA na nakatalaan ngunyan na taon sigun pa ki Philippine Ambassador to the United States Jose Manuel “Babe” Romualdez sa sarong entrevista.
Sigun ki Romualdez, importante an presensiya ni Presidente Marcos sa UNGA para sa kahagadan kan Pilipinas na masungkit an sarong non-permanent seat sa United Nations Security Council (UNSC) orog na ta magkakaigwa ini nin tsansa na makisumaro sa kadakol na mga world leaders.
