Dae nahahadit si Presidente Ferdinand R. Marcos Jr. sa pigsunad na impeachment complaint kontra sa saiys sa Kamara.
Ini an pighayag kan Palasyo ng Malacañang.
Sinaysay ni Palace Press Officer at Presidential Communications Office Undersecretary Claire Castro na personal kaining nakaulay an Presidente dapit sa usapin asin kumpiyansa ini na malalampasan an hamong kinakahampang kan saiyang administrasyon.
Sigun ki Castro, nagtutubod an Presidente na mayo ining ginibong anuman na impeachable offense asin malinaw sa saiya na mayong sapat na basehan an reklamong pigsunad.
Dugang pa kaini, kumpiyansa si Presidente Marcos na dae mausad an impeachment complaint huli sa kakulangan kan ebidensya asin sa nag-iiral na mga proseso sa Kongreso.
Pigtawan duon kan Malacañang na nagtitinir na nakatuon an Presidente sa saiyang trabaho asin sa pagtugon sa mga isyung kinakahampang kan nasyon sa ibong kan mga batikos asin hamon sa pulitika.
