Pighayag ni dating Ilocos Sur Governor Chavit Singson na maduman ini sa Malacañang tanganing hamunon si Presidente Ferdinand Marcos Jr., na pigtukdo kaini komo “dating barkada,” para maisagibo an tolos na debate dapit sa maanomalyang flood control projects.
Sigun ki Singson, dapat pag-ulayan sa debate kun tano nagtitinir sa kapangyarihan ni Presidente Marcos asin an saiyang mga kaalyado.
Mientrastanto, pighayag ni Singson na ngunyan sana kaini ihahampang an ebidensiya kontra sa Presidente asin ki dating House Speaker Martin Romualdez, na sigun sa saiya ipigkaloob kan divine providence.
Dugang pa kaini, na si PBBM 68 anyos ngunyan na 2026, kaarog kan saiyang ama kan 1986 o 40 taon na an nakalihis, asin may simbolikong buot sabihon na an numero 40 sa Bibliya komo pagtatapos o panibagong pagpuon.
Pig-enkaminar man ni Singson si Presidente Marcos na magsuko na sa pulisya katakod kan kontrobersya asin dae na paghalaton mapuli an saiyang kapalaran siring kan nangyari ki Muammar Gaddafi Libya, na pigpatalsik sa pwersa kan mga rebelde.
