Kuntento si Presidente Marcos sa progreso kan construction kan Metro Manila Subway. Personal na nagsagibo nin inspeksiyon an Presidente asin saiyang nahiling an progreso kaini.
Sigun sa Presidente, target na mapasinayaan an enot na phase kan Metro Manila Subway iyo an Valenzuela Ortigas Station sa taong 2028.
Sinaysay pa kaini na kun nakumpleto an bilog na linya kan subway puon Valenzuela hasta sa NAIA sa Paranaque, an dating duwang oras na biyahe an magigin 40 minuto na sana.
Pig-omaw man Presidente an mga experto na mga Japanese engineers sa pangengenot sa construction asin saiyang nahiling an dalagan ka operasyon kan tunnel boring machine na marhay man asin marekas an trabaho.
Pigpunto kan Presidente na tama an saindang kinuang partner an Japan para sa construction kan subway.
