Liwat tinawan-duon ni Presidente Ferdinand Marcos Jr. an suporta sa 860,000 public school teachers sa bilog na nasyon. Ginibo kan presidente an pahayag katakod kan pagselebrar kan National Teachers Day ngunyan na aldaw
Sigun sa Presidente sa irarom kan saiyang administrasyon prayoridad an kapakanan kan mga paratukdo.
Sisiertohon man kan Marcos admin an career advancement kan mga paratukdo tanganing mayo sa mga ini an maretiro na Teacher 1.
Duon pa kan Presidente na mawot kaini na mag grow professionally an mga paratukdo. Sisiertohon kan gobyero na Matawan sinda nin kaukulang mga tabang siring kan Kabalikat allowance na P10,000 na magigin epektibo sa masunod na taon.
Pigbida man kan presidente an mga inisyatibo kan DepEd para sa kapakanan kan mga paratukdo sa irarom kan saiyang administrasyon.
Sa irarom man kan administrasyong marcos, sinaysay ni Deped Se Sonny angara na ipinautob na an premirong parte kan updated salary schedule para sa civilian government personnel sa irarom kan exec order number 64 na obhetong enkaminaron asin mantiniron sa gobyerno asin sa nasyon an skilled civil servants.
Naisaley man soboot an kabalikat sa pagtuturo act na obhetong bistohon an magabat na trabaho kan mga paratukdo asin an saindang dedikasyon sa paagi kan pagpapalangkaw sa saindang taunang teaching allowance gikan sa 5 ribong piso na ginibo nang P10,000 tax free, asin magigin epektibo sa school year 2025-2026, dugang pa digdi, an P7,000 medical allowance. Igwa naman hasta 100 ribong pisong personal accidental death insurance para sa mga paratukdo sa paagi kan GSIS asin medical reimbursement na hasta 30 ribong piso para sa accident related injuries.
Sigun ki Angara, napapanahon nang iangat an kapakanan, benepisyo asin pakinabang kan mga paratukdo para sa saindang sakripisyo.
