Mayong nahihiling na rason si President Ferdinand Marcos Jr. tangani magbaba sa puwesto.
Ipinagkibit-balikat sana kan Presidente an pangapudan sa saiya na magbutas sa puwesto nin huli ta committed ining simbagan an mga huma kan nasyon sa tahaw kan mga pagbabago sa saiyang Gabinete.
Para sa Presidente, mayo soboot sa ugali kaini an pagdalagan parayo sa problema.
Mayo man ini nin ikakamaray na mangyayari, ini an nagin kasimbagan ni Marcos sa hapot na pig hapot sa saiya sa sidelines kan 46th ASEAN Summit sa Kuala Lumpur, Malaysia.
Tinawan duon kan Presidente na an saiyang liderato ay pogkokonsiderar na ‘solution-oriented’. Maduon na pighurot pa na an ginigibo kaining pag resolbar sa urulay an atubangon ini asin man dae pag iwasan.
Marurumdumang, kansuarin sana ay nangapudan si Presidente Marcos nin courtesy resignations gikan sa gabos nin miyembro kan saiyang gabinete komo parte kan lakdang tangani liwat pakarhayon an administrasyon kasunod kan resulta kan 2025 National and Local Elections.
Sigun ki Presidente Marcos, mataong dalan ini tangani masuri an pagganap kan mga departamento asin man matukoy kun siisay an dapat na magpadagos sa pagsisirbi alinsunod sa ‘recalibrated priorities’ kan gobyerno.
Pigsierto pa kan Punong Ehekutibo na dae maaapektaran kan gigibuhong ‘transition’ an mga serbisyo kan gobyerno kun saen dagos dagos soboot an matatag asin man marikas na pagsimbag sa pangangaipuhan kan mga tao.
