Pig-enkaminar si Pangulong Ferdinand Marcos Jr. sa mga Pilipino na gibuhon na inspirasyon an buhay asin mga sakripisyo kan saindang mga nagadan nang mahal sa buhay sa paagi kan pagtabang asin pagpahiling nin malasakit sa kapwa ngayong Undas.
An Presidente nakikiayon sa mga Katoliko asin sa bilog na nasyon sa pagromdom kan All Saints’ Day asin All Souls’ Day.
Segun ki Presidente Marcos, an pagbisita sa mga sementeryo sarong oportunidad tanganing girumdomon an mga mahal sa buhay, magpamibi para sa sainda, asin magkaururusa giraray an mga pamilya.
Idinugang niya, dawa mayo na an mga nagadan, magdadanay an saindang pagkamoot asin mga girumdom.
“I join the Catholic faithful and the entire Filipino nation in the solemn observance of All Saints’ Day and All Souls’ Day. Across the country, families return to cemeteries, offering prayers and celebrating the lives and legacies of departed loved ones. Some travel great distances for these visits, finding an opportunity to reunite with relatives and recall the moments they once shared,” mensahe ni Pang. Ferdinand Marcos.
Pig-enkaminar man kan Presidente an publiko na arugon an katanusan asin pagtabang sa kapwa na ipinahiling kan mga santo asin iba pang tawo na nagsakripisyo para sa saindang komunidad.
Pigtawan-duaon kan Punong Ehekutibo na bakong sana sa mga nagadan dapat ipahiling an pagkamoot asin pagromdom, kundi pati man sa mga tawo na nangangaipo nin tabang.
Segun saiya, mas magigin makahulugan an Bagong Pilipinas kun papairalon kan lambang saro an katanusan asin malasakit sa kapwa.
Idinugang pa ni Presidente Marcos, “May these solemn days bring peace to those who mourn and remind us to cherish those who remain.”
