Yaon sa Marawi City ngunyan na aldaw si Presidente Ferdinand Marcos Jr. tangani pangenutan an manlaen-laeng aktibidad.
Enot na sinaksihan kan Presidente an pagkakabit nin internet sa Temporary Learning Spaces (TLS) sa Barangay Sagonsongan sa Marawi City, Lanao del Sur tangani orog na mas maparani an internet sa mga liblib na eskwelahan.
An limang Starlink internet units an personal na donasyon kan Presidente sa limang eskwelahan duman kabali an Bangon Elementary School, Bacarat National High School, Angoyao National High School, asin Cabasaran Primary School.
Nagheras man ini nin mga school bag na may laog nin gamit sa gabos nin TLS enrollees.
Ininspeksyon man kan Presidente an TLS tangani masigurong padagos na napagkakalooban nin suportang pang-edukasyon an mga estudyante na naapektaran kan Marawi seige.
An TLS an sarong emergency education initiative na inilunsar makalihis man an Marawi siege kan nakalihis na taong 2017.
Paramientras pigtugdok an tent asin modular structures tangani na magin classrooms sa mga lugar na naraot an mga establisyemento kan eskwelahan tangani mag dagos-dagos an pagkanuod kan mga estudyante sa lugar.
