Nag-abot na sa Osaka, Japan si Presidente Ferdinand Marcos Jr., tangani mag-atendir sa World Expo 2025 asin makipagmeeting sa mga negosyanteng Hapones. Kan nakalihis na aldaw naghali an Presidente sa nasyon lunad sa sarong private jet.
Sigun sa Malakanyang, pangengenutan ni Presidente Marcos an paglunsar sa Philippine Pavilion.
Sinaysay ni Palace Press Officer Usec. Claire Castro, tampok sa world expo sa Asaka an mayamang kultura kan Pilipinas, magagayon na landscapes asin parte kan pagbubusol sa turismo kan nasyon.
Apwera sa nasambitan ng aktibidad, piglalaoman man makikipagmeeting an Presidente sa pirang mga negosyante, asin magtalaan man ini nin oras tangani personal na mahiling an Filipino community sa Japan.
Mahaloy si Presidente Marcos sa Japan hasta ngunyan na weekend.
Mientrastanto, itinalaga komo caretaker kan gobyerno sinda Executive Secretary Lucas Bersamin, Education Secretary Sonny Angara, asin Agrarian Reform Secretary Conrado Estrella III.
