Pigtawan duon ni Presidente Ferdinand Marcos Jr., an importansya kan alyansa sa pag-ultanan kan Pilipinas asin Amerika tangani mamantinir an katrangkiluhan asin katatagan sa parte kan West Philippine Sea asin magin sa Indo Pacific region.
Ginibo kan Presidente an pahayag kasunod kan saindang bilateral meeting ni U.S. Secretary of Defense Pete Hegseth sa Pentagon kan nakalihis na Lunes, July 21,2022.
Pigtawan duon ni Presidente Marcos an importansya kan bilateral discussions kasunod kan pag iba sa geopolitical dynamics.
Labi man an pagpapasalamat ni Pangulong Marcos sa suporta kan U.S. government sa paagi kan joint military exercises asin man padagos na modernization effort kan Armed Forces of the Philippines (AFP).
Piggirumdom kan Presidente an nagin pagbisita ni Secretary Hegseth sa Pilipinas na saiyang iniladawan komo importanteng simbolo sa PH-US partnership asin man liwat na pagpapatibay sa commitment kan duwang nasyon sa Mutual Defense Treaty.
Kaiba kan Presidente sa saiyang pagbisita sa Pentagon sinda Defense Secretary Gilberto Teodoro Jr., National Security Adviser Eduardo Año, Presidential Adviser for Investment and Economic Affairs Frederick Go, Philippine Ambassador to the U.S. Jose Manuel Romualdez, Defense Undersecretary Salvador Melchor Mison Jr. Sa pag abot kan Presidente sa Pentagon, pigtawan ini nin arrival honor.
Presenteng nasa Washington, D.C. si Presidente Marcos para sa three-day official visit magpuon Hulyo 20 hasta Hulyo 22 basado sa imbitasyon ni U.S. President Donald Trump.
Si Presidente Marcos an primerong Southeast Asian leader na makaka-ulay ni President Trump sa saiyang ikaduwang termino
