Pinayuhan kan doctor si Presidente Ferdinand Marcos Jr na magluway-luway sa saiyang trabaho.
Sigun sa Presidential Communications Undersecretary Claire Castro , na nagin limitado sana sa pribadong pag-uulay an pig-atenderan kan Presidente puon kan idalagan ini sa ospital huli sa pagkulog nin tulak.
Pigsierto man ni Castro na nasa magayon na kondisyon an salud kan Presidente asin nagsusunod sana ini sa payo kan doktor na bawasan an aktibidad.
Marurumduman, puon kan idalagan sa ospital an Presidente, dae na ini naka-atender sa nagkapirang mga public events sa nasyon.
Advertisement
Enot nang piglinaw kan Presidente na bakong life-threatening an helang kaini asin normal sana an saiyang naeeksperyensiyahan huli ta nagkaka-edad na.
Advertisement
