Kumpiyansa si Presidente Ferdinand Marcos Jr. na orog pang matibay asin mabusol an alyansa kan Pilipinas asin Estados Unidos, kasabay kan pagselebrar kan ika-80 anibersaryo kan diplomatikong relasyon kan duwang nasyon.
Kasunod ini kan paglulunsar kan sarong special anniversary logo kan duwang nasyon na gagamiton sa mga commemorative activities sa bilog na taon komo simbolo kan walong dekadang pagkakaibigan na nagpuon kan Hulyo 4, 1946.
Sigun sa Presidente, piglalaoman kaining mas makusog pa an koneksiyon kan Pilipinas asin Amerika, na mabunga nin mas matibay na promesa sa seguridad, kasaganahan, asin katatagan bako sana kan duwang nasyon kundi kan bilog na rehiyon.
Sa laog soboot man 80 taon, ipinag-orgulyo kan Pilipinas na ikonsiderar an Estados Unidos komo mapagkakatiwalaang amigo, matatag na katuwang, asin dae natitinag na kaalyado.
Kasabay kan pagselebrar na ini an ika-250 anibersaryo kan pagkakatatag kan Estados Unidos, mantang pigseselebrar man ngunyan na taon an ika-75 anibersaryo kan Philippines — United States Mutual Defense Treaty, na nagsisirbing giya sa koneksiyong pangdepensa asin pangseguridad kan duwang nasyon.
