Maduon na tinutula ni Presidente Ferdinand Marcos Jr. an pangapodan na ideklarang personan non-grata an Chinese Ambassador sa Pilipinas.
Sa tahaw ini kan isyu sa agawan pa man giraray kan teritoryo sa West Philippine Sea asin an ribayan kan mga pahayag sa tahaw kan nagkapirang opisyal kan Pilipinas asin Embahada kan China.
Sigun ki Presidential Communications Office Undersecretary Claire Castro, dae uyon an Presidente na ideklarang persona non grata si Chinese Ambassador to the Philippines Jing Quan kun saen “No” soboot an simbag ni PBBM.
Enot nang sinaysay ni Castro na mawot kan Presidente na mag-iral an diplomasya pag-abot sa siring na mga ulayan.
Sinaysay na man kan Department of Foreign Affairs sa sarong pahayag na pwede ining magkaigwa nin bakong magayon na implikasyon siring kan pagbalos sa ibang bagay kaya kaipuhan munang timbangon nin marhay.
