Hinali kan Philippine Coast Guard (PCG) an deputy commander kan saindang istasyon sa Masbate makalihis an insidenteng makalusot an P170 milyon na ”shabu” shipment asin makalihis makaabot sa Cebu City Pier.
An pagriribay sa deputy commander an pigsugo ni PCG Commandant Admiral Ronnie Gil Gavan na parte soboot kan padagos na imbestigasyon tanganing maaraman an may kasalan sa nasambitan ng insidente. An shabu shipment an nasamsam kan mga ahensya kan Philippine Drug Enforcement Agency (PDEA) asin Philippine National Police (PNP) sa Pier 5, Cebu City kan Enero 23, 2025.
Sigun sa mga awtoridad an mga suspek an sarong mag-ina, na naglunad soboot nin roll-on/roll-off o RoRo passenger vessel gikan Masbate port, asin itinago an kontrabando sa saindang pribadong behikulo.
Napag-araman sana kan mga otoridad an kontrabando pag-abot kan barko sa Cebu City huli sa mayong marhay na inspeksyon antes an boarding kan behikulo. Tinawan-duon kan Philippine Coast Guard an importansya kan regular na inspeksyon komo parta kan saindang mandato tanganing malikayan an ilegal na pagloag kan droga sa mga pantalan asin katubigan kan nasyon. Pigsugo ni Gavan an imbestigasyon dapit sa dae pagsasagibo nin routine inspection kan deputy commander antes an boarding kan behikulo.
Pigpahayag man kan pigribayan na deputy commander na ini an nasa sarong courtesy meeting kan mangyari an insidente. Sa ngunyan dae pa pigluluwas kan Philippine Coast Guard an pangaran kan pigribayan na deputy commander mantang isinasagibo an imbestigasyon.
