Nagpartisipar sa Alalayan exercise 2025 sa Mactan, Lapu-Lapu sa Cebu an Philippine Coast Guard (PCG) kan nakalihis na Mayo 22 hasta Mayo 23.
An Alalayan Exercise 2025 an saro sa mga flagship capacity-building activities kan National Maritime Center (NMC) na sarong multi-agency command post, tabletop asin saro man na filed training para sa mga maritime personnel.
Obheto kan pagsasanay na ma-tes an bilog na kapasidad kan interagency capabilities siring kan tracking, interception, boarding, inspection, evidence handling, asin nagkapirang mga emergency responses siring kan firefighting asin search and rescue operations.
Kaibahan man sa operasyon an nagkapirang ahensiya na igwang close-coordination sa PCG para sa pagsierto kan epektibong pagreresponde asin pagpapatibay kan national security kaibahan na an pagtatao nin proteksiyon sa mga marine resources kan nasyon.
Mientrastanto, kaibahan man kan PCG sa pagsasanay na ini an Philippine Navy (PHNAVY), Philippine National Police-Maritime Group (PNP-PM), Bureau of Customs (BOC) , Philippine Drug Enforcement Agency (PDEA), Bureau of Immigration (BI), Bureau of Quarantine, asin an Bureau of Fisheries and Aquatic Resources (BFAR) na nagpapahiling nin pagkasararo kan mga maritime agencies para sa pagpapahigot kan maritime security sa Pilipinas.
Pagsierto man kan PCG, magtitinir na makusog an saindang paninidugan na mapahigot an kooperasyon asin koordinasyon ninda sa iba pang mga ahensiya para sa padagos na pagtataong proteksiyon sa mga maritime interests kan nasyon.
