Naikurit kan Philippine Coast Guard (PCG) na nasa labi 40,000 na an mga pasaherong mauruli sa kaniya-kaniya kaining mga probinsiya sa mga pantalan sa bilog na nasyon.
Basado sa datos kan PCG, nasa 20, 740 an kabilogang numero kan mga outband passengers mantang 18, 516 man an inbound passengers sa mga terminal sa nationwide.
Naikurit man an halangkaw na numero kan mga pasahero sa Batangas Port asin magin mga lunadan digde na iyong rason kan halabang pila sa mga bakalan kan ticket sa nasambitan ng pantalan.
Sigun sa Coast Guard District Southern Tagalog, huli sa halangkaw na numero kan mga pasahero sa mga pantalan, nakaprepara an saindang pamayuhan tanganing mamantinir an kasalbaduhan asin karahayan kan mga port sa nasyon asin magtaong assistance kun kinakaipuhan.
Sa ngunyan, igwang 2,871 na personnels an nakatalaga sa 16 na distrito sa bilog na nasyon.
Mientrastanto, nagsagibo man kan nakalihis na aldaw nin inspeksiyon n PCG sa 115 na mga vessels asin 45 na motorboats tanganing ma check an mga makina kaini para sa kasalbaduhan kan mga pasahero.
