NAGA CITY- Padagos pa ngonyan an ginigibong monitoring kan Philippine Coast Guard (PCG) sa kamugtakan kan kadagatan antes na matugutan na makabiyahe an mga stranded na pasahero hale s Pasacao Port.
Sa entrevista kan Bombo Radyo Naga ki Petty Officer 1st Class Graciano Cañeba, sub-station commander kan PCG-Pasacao, sinaysay kaini na nagpakol na sa 91 na mga pasahero an stranded ngonyan sa nasambitang daungan poon alas-4 suodma huli nsa makusog na hukol sa kadagatan partikular na sa kadagatang sakop kan San Pascual, Masbate na epekto suboot kan habagat.
Kadaklan man suboot sa mga pasahero hale pa sa Metro Manila asin pasiring kuta na sa probinsya nin Masbate.
Katakod kaini, pigsierto ni Cañeba na tinatawan ninda nin maninigong asistensya katabang an lokal na gobyerno kan Pasacao an mga stranded na pasahero.
