Mapuon na sa mga masunod na aldaw an posibleng pinakamalipot na yugto kan Amihan (northeast monsoon) season na kadalasang nangyayari sa huring parte kan Enero.
Puon ngunyan, pigkakarkulo na makusog an bugso kan amihan na madara nin malipot na duros sa Luzon na posibleng mag-abot pa sa Visayas asin sa norteng parte kan Mindanao.
Huli kaini, laoman an liwat na pagbaba kan mga temperatura, partikular sa Northern Luzon.
Posibleng magin mauran man sa sirangan na parte kan nasyon huli sa northeast monsoon asin iba pang weather system.
Igwang posibilidad na may mga kasunod pa ining makusog na surge kan amihan sa mga masunod na semana, orog na sa enot na parte kan Pebrero.
Sa mga nakalihis na aldaw, nairehistro an 7.5 degrees Celsius sa mga kabubuludan kan Cordillera, mantang 7.9 degrees man sa mga kataid na lugar sa parte kan Luzon.
