Aram baya nindo mga ka-bombo, sarong Kenyan na lalaki an pig-arestrar kasuarin sana makalihis na pekeon kaini an pagigin abogado asin magrepresentar sa saiyang mga kliyente.
Basado sa report, pig-impersonate kan lalaki an katauhan kan totoong abogado na igwang pangaran na Brian Mwenda tangani sanang makapanloko nin ibang tawo.
Binisto an nasambitan ng lalaki na si Brian Mwenda Njagi kun saen sa 26 na kasong kinaputan kaini, gabos an saiyang ginana maski pa dae naglaog sa law school asin mayong pormal na training.
Pigrepresentar kan lalaki an saiyang mga kliyente sa hampang kan Court of Appeal judges asin High Court judges para sa 26 na manlaen-laen na kasong pigkaputan kaini.
Nabisto sana an pekeng katauhan ni Njagi kan magreklamo si Brian Mwenda sa The Law Society of Kenya (LSK) na dae kaini an ma-access an saiyang account.
Huli kaini, an Rapid Action Team kan Law Society of Kenya sa Nairobi Branch pig-arestrar si Brian Mwenda Njagi para sa kasong impersonating an attorney.
An saiyang istorya, nagpamangha sa ibang tawo kun kaya sarong Kenyan tycoon an nagtangro na magbayad kan saiyang piyansa.
Sigun sa nasambitan ng tycoon, nakakamangha soboot an track record ni Njagi sa korte nin huli ta maski mayong pormal na training nanggana ini sa 26 na kasong pigkaputan.
