NAGA CITY – Piglalaoman na maitatao na an Performance Based Bonus para sa mga paratukdo asin iba pang ahensiya kan gobierno antes matapos an taon.
Sa entrevista kan Bombo Radyo Naga ki Atty. Salvador Bogs Pelingon Division Information Officer, DEPED Camarines Sur, sinaysay kaini na tanganing makareseber kan nasambitan ng PBB kinakaipuhan kan manlaen-laen na ahensiya na mag-comply kan mga listahan na qualified asin pwede makareseber kaini tanganing madali an proseso sa pagbaba kan pondo.
An mga empleyado na pupwedeng magin qualified iyo an igwang performance sa trabaho puon August 31, 2023 hasta ngunyan sa presente alagad kun an sarong empleyado retired pwede pa man makasereber kun ini nagserbe puon kan taong 2023.
Mientrastanto nakadepende sa porsyento kan saindang sweldo an makukuang Performance Based Bonus.
Dugang pa kan opisyal, yaon naman an guidelines pighahalat na sana an listahan kan mga kwalipikado gikan sa manlaen-laen na ahensiya para sa pagproseso.
Sa ngunyan, pangapudan na sana ni Pelingon sa mga paratukdo asin iba pang ahensiya kan gobierno na mag-asikado na kan mga pighahagad na requirements o an inaapod na alpha list tanganing marekas man an pagproseso kaini.
