Panahon na tangani man pag-isipang marahay kan mga cabinet members an saindang nagin performance sa irarom kan Marcos administration.
Katakod na man ini kan balasahan sa hanay kan mga miyembro kan gabinete ni Presidente Bongbong Marcos.
Sigun ki Senator Sherwin Gatchalian, dapat na pagirumdoman na an mga miyembro kan gabinete na an taumbayan an tunay na pinagsisirbihan.
Hurot pa ni Gatchalian, gabos nin cabinet appointees, sinda man ay mga baguhan o haloy nang nagsisirbi sa gobyerno ay dapat na mangenot asin man mamayo na igwa nin urgency asin competence.
Tinukoy kan senador na ginagadan kan nasyon an red tape kan burukrasya asin pinapahaloy man kaini an pag-uswag asin pinapalala an kabiguan sa publiko.
Sinabi pa kan lehislador na panahon na tangani magserbisyo sinda sa bayan nin tapat, marikas asin man epektibo pasiring sa ikakamaray kan bayan.
