Pig-anunsyo kan American rock band na My Chemical Romance an pagbalyo nin petsa kan saindang konsiyerto na isasagibo sa nasyon.
Sigun sa social media post kan banda, na imbes na sa Abril, isasagibo na sana ini sa Nobyembre.
Ikukundusir kuta ini sa Abril 25 alagad naibalyo na ngunyan sa Nobyembre 14 sa Philippine Arena.
Paglilinaw kan banda na dae ini kanselado lagad dae na pigsambit pa an rason sa pagbalyo kan petsa.
An mga nakabakal nin ntickets para sa bulan nin Abril an sainda pa man giraray nindang aakuon alagad an mga mawot na mag-refund, an pwede man ibwelta an kwarta.
Marurumduman, ipinangaran an concert na “Black Parade” sa matrayumpo nindang album kan 2006.
An banda an binilog kan 2001 kan magtugang na sinda Gerard asin Mikey Way kaibaha sinda Ray Toro asin Frank Lero.
Nagluwas sindang apat nin studio album antes na nagsuhayan kan 2013 asin pig-anunsyar an reunion kan 2019.
