Nagboto nin pabor an Pilipinas sa worldwide moratorium sa paggamit kan death penalty komo legal na padusa sa pigganap na United Nations General Assembly.
Kaibi an PH sa 129 na iba pang mga nasyon na nagpabor sa resolution kan nakalihis na Disyembre na nagrerepresentar sa mahewasang pagtutol sa nasambitan ng padusa.
Nakakua an resolution nin two-thirds majority na pabor, 32 nasyon man an nagtutol asin 22 an nag-abstain.
Pinangenotan man kan Argentina asin Italy an nasambitan ng lakdang sa paagi kan Inter-Regional Task Force kaiba an 70 co-sponsors.
An nasambitan ng resolution an pigsunad kada 2 taon, na obhetong maenkaminar an mga nasyon tanganing mapugolan kan executions mantang pigtatrabaho an pagkumpleto kan pagbuwag sa padusang kagadanan.
Marurumdoman na sa Pilipinas, dagusan na pigbuwag an padusang kagadanan kan nakalihis na taong-2006 sa irarom ni dating Presidente Gloria Macapagal Arroyo ain pigbaba an pinakamagabat na padusa sa nasyon sa habambuhay na pagkakakulong.
