Nagbagsak giraray sa bagong historikal na hababa an halaga kan piso matapos ining magsarado sa P63.361 kontra dolyar sa pagtapos kan kalakalan ngunyan na Miyerkules, Oktubre 21, 2026.
Nalampasan kan nasabing closing rate an huring naitalang historikal na hababa na P62.09 kan Lunes asin Martes, Oktubre 19 asin 20.
Bago pa man an opisyal na pagsarado kan merkado, umabot pa sa mas hababang lebel na P63.373 an palitan kan piso kontra dolyar sa tahaw kan intraday trading ngunyan na aldaw.
Ini na an ika-29 na beses na nagrekord nin bagong historikal na hababa an halaga kan lokal na kwarta sa bilog na taon na ini.
Pigmamawot na magkakaigwa ini nin grabeng epekto sa mga pag-angkat hali sa ibang nasyon.
Mantang positibo man an paghiling kan iba na may dollar remittance na pigmamawot hali sa Estados Unidos.
