Pinahimutikan ni Philippine Navy Spokesperson for the West Philippine Sea RAdm. Roy Vincent Trinidad an pigpapakuriyat kan China na nagpapalaganap kan mahewasang polusyon kan BRP Sierra Madre sa West Philippine Sea.
Ini an kasunod kan ipigluwas kan China na video footage na nagpapahiling soboot sa mga tropa kan Pilipinas na nagsusulo nin mga basura sa BRP Sierra Madre, an barkong isinadsad kan nasyon sa Ayungin Shoal.
Sigun ki Trinidad, sarong ‘fire drill’ !an ginibo kan mga tropa kan gobyerno na nakabase sa nasambitan ng outpost.
An tulos na pagpaluwas kan China nin video na dae pig-aaram an tunay na pangyayari an parte soboot kan pagpapakuriyat kan nasambitan ng nasyon nin salang impormasyon.
Parte man soboot ini kan ‘ deceptive messaging’ na pigdadara kan Chinese Communist Party.
Enot na man pinahimutikan ni National Task Force for the West Philippine Sea (NTF-WPS) Spokesperson Jonathan Malaya an claims kan China asin hurot na mayong katotoohan na naggigibo nin polusyon an mga tropa kan gobyerno na nakabase sa BRP Sierra.
Hurot man kan opisyal na imbes na rauton an WPS pinangenotan pa kan mga tropa kan gobyerno an pag-protehir sa nasambitan ng kadagatan gikan sa polusyon, basura asin iba pa.
