Pwede nang gamiton an PhilHealth sa mga outpatient emergency care para sa mga dae piglalaoman na life-threatening medical emergencies, sigun ki Philippine Health Insurance Corporation (PhilHealth) President Emmanuel Ledesma.
Sa pagdangog sa Senate Committee on Health and Demography, sinaysay ni Ledesma na kaiba na sa sasaguton kan Philhealth an pirang parte kan medical expenses kan mga outpatient na pasyente na dae naman kaipohan ma-ospital sa laog nin 24 na oras.
Pigpakarhay na man soboot an benefit package para sa cataract extraction kun saen mabebenepisyaran an mga senior citizens asin mga pediatric cases.
Mientrastanto, pigpakarhay naman soboot an benepisyo para sa COVID-19 inpatient asin an severe dengue package an piglangkaw sa 194% puon P16,700 sa P47,000.
Kabali man sa mga sasaguton na kan PhilHealth an optometric services kan mga 0-15 year-old.
