Nagsumiter an Philippine National Police (PNP) nin listahan kan “Potential Election Areas of Concern” sa Commission on Elections (COMELEC) asin pigbeberipika na ngunyan.
Pigsaysay ni PNP Spokesperson Police Colonel Jean Fajardo na an Comelec sana an pwedeng magdeklarar huli ta maagi ini sa validation kan joint security council sa pamamayo kan komisyon.
Katagod dgdi an mga lugar na nagkaigwa nin mga validated na insidenteng may relasyon sa eleksyon malaog sa “yellow category” huli ta igwa nang nangyaring insidente.
Pigsaysay man ni Fajardo na an iba pang pigkokonsiderar na parametro iyo an labing political conflict sa nagkapirang lugar asin an presensya kan mga pribadong armadong grupo.
Dagdag pa kan PNP na kan nakaaging eleksyon sa barangay asin SK, duwang lugar an naipairarom sa “red category”.
Katuyohan suboot kan desisyon kun pirang pulis an ilalaag sa mga areas of concern asin kun pira an isasairarom sa Comelec control.
Mientrastanto, kan nakaaging bulan, si Police General Rommel Marbil nagsugo sa saiyang mga komandante na magpoon na magmidbid nin mga posibleng mga lugar na pighahaditan sa eleksyon para sa 2025 na eleksyon.
Dugang paman kan PNP na madeterminaran man ninda kun kakaipuhanon pa an dugang na personahes na madeploy sa nagkapirang lugar sa pag-antisipar kan posibleng election-related violence.
