Nagpromesa si Senate President Win Gatchalian na hahalion an mga lump sum funds sa 2027 national budget.
Ini kasunod kan deklarasyon kan Korte Suprema na unconstitutional an nagkapirang probisyon kan 2024 asin 2025 national budget, siring man an probisyon kan unprogrammed appropriations kan 2026 budget.
Segun ki Gatchalian, mayong makakalusot na lump sum funds sa 2027 budget huli ini unconstitutional.
Minsan siring, magdadanay man sa pambansang pondo an unprogrammed appropriations huli ta dai man sinabi o idineklara kan Supreme Court na ini ipinagbabawal o unconstitutional.
Kinakaipuhan sana daa magkaigwa nin parameters na susundon kan Senado tanganing maseguro an tama asin maayos na paggamit kan pondo.
Dugang pa ni Gatchalian, tinatantya na an unprogrammed appropriations nasa 2 percent sagkod 5 percent kan kabilugan na pambansang budget.
