NAGA CITY– Pinag-aadalan na ngonyan kan lokal na gobyerno kan Naga an pagpapasarado sa sarong resort huli sa pagigin prone kaini sa landslide.
Sa pag-atubang kan Mines and Geosciences Bureau (MGB)-Bicol sa nagin regular session kan Sangguniang Panglungsod, pig-identipikar kaini an Panicuason Hotspring resort sa Panicuason, Naga City na nasa laog nin landslide prone area.
Napag-araman na minsan nang nairehistro an pagrasay nin daga asin pighahandalan na masundan pa ini urog na kun magkakaigwa nin pag-uuran.
Nakwestyon man sa nasambitang pagtiripon an MGB huli sa pag-issue kaini nin Environmental Compliance Certificate (ECC) sa resort sa ibong kan pagigin prone kaini sa landslide mantang dae man soboot maliwanag an nagin assessement kan opisina sa nasambitang lugar.
Sa ibong kaini, pigsierto man kan manhamiento kan nasambitang resort na preparado sinda sa magigin desisyon kan LGU asin MGB katakod kan problema.
An nasambitang resort saro sa mga pigbibisita kan mga turista sa pamitisan kan Mt. Isarog.
