Aram baya nindo mga ka-bombo, binawian na nin buhay si Fauja Singh kan India.
Si Singh an pigmirar na pinakagurang na distance runner sa bilog na kinaban.
Ini an binawian nin buhay sa sarong aksidente sa tinampo sa edad na 114-anyos.
Susog sa report, si Singh na bistado man komo Turbaned Tornado an nabudalan nin behikulo sa Jalandhar district sa estado kan Punjab.
Mayo nin birth certificate si Singh alagad sigun sa saiyang pamilya ini an ipinangaki kan April 1, 1911.
Ini an nagdalagan nin full marathons o 42 kilometer hasta sa edad na 100-anyos.
Mientrastanto, sa ibong kan saiyang kasikatan komo pinakagurang na marathon runner sa bilog na kinaban dae man ini sertipikado kan Guinness World Records nin huli ta mayo soboot maitaong patotoo kan saiyang tunay na edad.
