Pigpagirumdom kan CBCP an pagtitiwala sa biyaya kan diyos

Pigpagirumdom ni Catholic Bishops’ Conference of the Philippines President asin Lipa Archbishop Gilbert Garcera, sa mga Katolikong mananampalataya na magtiwala sa mga biyaya kan Diyos sa ibong kan mga hamon na kinakahampang.

Sa saiyang mensahe sa Bagong Taon, pigsaysay ni Garcera na dakol an hamon mantang pigsabat kan publiko an bagong taon.

Alagad, pigsierto ni Garcera sa publiko na pagpapalain kan Diyos an mga Katolikong mananampalataya sa tahaw kan mga pagsubok asin hamon na ini.

Sa pagselebrar kan Bagong Taon, sinabi ni Garcera na pigseselebrar man kan Simbahang Katolika an solemnidad ni Marya, Ina kan Diyos.

Kahagadan man kaini sa publiko na padagos na magtiwala sa Diyos sa paagi kan mga pangadye.