Target kan Pilipinas asin Japan na matapos asin maselyuhan an pag-urulay manungod sa pagtatakda kan maritime boundaries o hangganan kan karagatan kan duwang nasyon.
Siring ki Pangulong Ferdinand Marcos Jr., importante na magkasundo an Pilipinas asin Japan manungod sa eksaktong hangganan kan karagatan na sakop kan duwang nasyon, lalo na ta may mga parte na nagkakapatong an baselines.
Mayo man nin nanunutaran dakulang balakid an Pangulo sa negosasyon asin naglalaom ini na matatapos an proseso sa laog kan 2026.Manungod man sa pagtutol kan China, sinabi ni Presidente Marcos na bilateral na usapin ini kan Pilipinas asin Japan. Alagad sinabi niya na bukas an duwang nasyon sa pagdangog sa mga pananaw kan iba pang stakeholders.
Mientrastanto, sinabi ni Pang. Marcos na padagos an pakikipagkoordinar kan Pilipinas sa Taiwan, lalo na sa larangan kan kalakalan asin negosyo.
Tinawan doon niya na an relasyon kan Pilipinas asin Taiwan iyo an nakaayon sa One-China policy kan bansa, asin an mga umiiral na mekanismo sa pagitan kan duwang nasyon nakatutok sa mga commercial matters.
