Liwat na masunad nin diplomatic actions an Pilipinas laban sa China katakod sa pinakahuring panghaharas kan mga barko kaini sa West Philippine Sea.
Sigun sa National Maritime Council an panibagong agresyon na ini kan China laban sa mga barko kan Pilipinas an talagang nakakabahala.
An gigibuhong lakdang na ini kan nasyon an tangani masierto an kasalbaduhan asin man epektibong pagsasagibo kan maritime operations sa rehiyon.
Enot nang nairehistro an panibagong panghaharass kan China Coast Guard sa BRP Datu Sanday asin man BRP Datu Pagbuaya kan Bureau of Fisheries and Aquatic Resources.
Ini man na kasabay kan pagsasagibo nin mga nasabing barko kan Pilipinas nin pananaliksik sa Sandy Cay 2 sa Pag-asa Island.
Hurot kaya kan National Maritime Council, an lakdang na ini kan CCG an maikokonsiderar na seryosong huma sa soberanya kan Pilipinas asin man pagbalgar sa international law.
Pigsierto kan nasambitan ng ahensya na tatalima an Pilipinas sa ano man na matuninong na kasunduan mantang padagos an paggigiit sa karapatan kan nasyon sa nasambitan ng rehiyon.
