Nakakua an Filipino swimmer Ernie Gawilan nin medalyang bulawan sa nagpapadagos na 5th Asian Para Games sa Nagoya, Japan.
An 35-anyos na tubong Davao City an nanginot sa men’s 400-meter freestyle sa oras na apat na minuto asin 56.72 segundo.
Dinaog niya an pambato kan China na si Zhang Yilong asin an Singaporean swimmer na si Toh Wei Soong.
Ini na an ikatulong sunod-sunod na bulawan ni Gawilan asin ikalima sa kabilugan, matapos an tulong medalyang bulawan na nakua niya kan 2018 Jakarta Games asin sarong medalyang bulawan sa Hangzhou, China kan 2023.
Advertisement
Segun sa saiyang coach na si Tony Ong, nakakua na siya nin pwesto sa 2028 Los Angeles Paralympics.
Advertisement
