Aram baya nindo mga ka-bombo, naipabakal sa auction sa kantedad na $9.1 milyon an kaenot-enoting edisyon kan Superman comics.
Sigun sa Heritage Auctions sa Texas, na an original copy kan Man of Steel comics an pigpaluwas kan June 1939.
Pag-sasadiri ini kan mga magturugang gikan sa San Francisco.
Istorya kan magturugang na aksidente sana nindang nadiskubrer an comics na pagsasadiri kan saindang nagtalikod na sa kinaban na Ina. Naglilinig soboot sinda nin harong kan mahiling an mga tambak na diyaryo asin digde nahiling an comics.
Nasa edad 50-anyos asin 60-anyos na an magturugang kun saen pirmeng pig-iistorya kan saindang Ina na igwa ining mga mamahalon na comics collections alagad dae soboot ipinahiling sa sainda.
Pigkokonsederar na ini an pinakamahal na comics books na nabakal sa auction.
Nalampasan kaini an Action Comics No.1 kan 1938 na enot naman nagpabisto ki Superman asin nabakal nin nasa $6-M.
