Aram baya nindo mga ka-bombo, sa edad na 16-anyos, si Pavel Stepchenko naglaog sa Russia’s Ministry of Internal Affairs komo sarong estudyante asin kan magtungtong sa edad na 23-anyos, ini an nagretiro na rason tanganing bistuhon komo pinakajoven na pensioner sa Russia.
Kun para sa iba an retirement an tradisyunal na nakalinya sa mga senior citizen alagad an istorya ni Pavel an maikokonsederar na interesante.
Susog sa report, kakaiba an istorya ni Pavel nin huli puon kan mag-enroll ini sa educational institution sa Russian Ministry of Internal Affairs sa edad na 16-anyos asin makalihis an limang taong kan saiyang paglalapigot an nagpuon na magtrabaho sa territorial division kan internal affairs system.
An lalaki na ini na gikan sa Donetsk an sulamenteng nagtrabaho duman nin haros duwang taon huli ta pagtungtong sa edad na 23-anyos ini an opisyal nang nagretiro.
Pig take-advantage kaini an espesyal na probisyon na kun saen nakapalaog na kada bulan kan serbisyo sa panahon kan martial law, an sarong indibidwal an makakareseber nin tolong bulan na credited length kan service.
Kan November 28, 2023, susog sa ley kan Russian Federation kan panahon na idto, si Pavel an nag-apply para sa retirement asin natawan nin full pension para sa length of service.
An kakaibang record na ini an opisyal na pigkumpirmar kan mga eskperto gikan sa International Record Registration Agency INTERRECORD asin nairecord man sa Register of Records of Russia an national registrar kan outstanding achievements o mas bistado man komo Book of Records of Russia.
