Aram baya nindo mga ka-bombo, sarong team of physicists gikan sa British university an naggamit nin nanotechnology tanganing magkriar kan pigmirar komo world’s smallest violin na mahihiling sana gamit an microscope.
Pigsaysay kan nasambitan ng team na an platinum violin an igwang sukol na 35 microns, an sukol na ini an katampad kan one millionth meter long, asin 13 microns wide.
An violin an mas sadit kumparar sa diameter kan buhok nin tawo na nag-aabot sa 17 hasta 180 microns.
Kun ikukumparar sa Tardigrades, sarong eight-legged micro animals na igwang sukol sa pag-ultanan kan50 to 1,200 microns na laba.
Susog sa report, pigkriar kan mga researchers an minute musical instrument na ini tanganing ipahiling an abilidad kan bagong nanolithography system, sarong teknolohiya na nagtutugot sa mga scientists na magbilog asin mag-adal kan mga nanoscale na mga bagay asin struktura.
Sa paagi kan pagkriar kan pinakasadit na violin sa bilog na kinaban nagtatao nin kaogmahan alagad parte ini kan proseso para sa research na padagos na pinag-aadalan.
Sa ngunyan, pigsierto kan team na padagos an saindang pagkriar nin mga bagong inobasyon para sa karahayan kan kinaban.
