Bigo an Pinay Tennis star na si Alex Eala sa semifinals bid sa ASB Classic makalihis daugon ni Wang Xinyu kan China.
Sa saindang laban, nakabawi si Eala gikan sa haloy na pagpuon asin nakua an enot na set alagad nanaig si Wang sa huring duwang set.
Natapos an laban sa score na 7-5, 5-7, 4-6 pabor ki Wang.
Huli digde, si Wang an nag-usad sa finals kun saen makakahampang kaini si Elina Svitolina kan Ukraine o si Iva Jovic kan USA.
Advertisement
Para ki Eala, ini an enot na torneo ngunyan na 2026 makalihis an matrayumpong 2025 season kun saen nakalaog ini sa WTA Top 100 asin wagi kan enot WTA 125 title.
Alagad dae nakalaog sa finals, ipinahiling ni Eala an saiyang tibay asin determinasyon kontra sa mas halangkaw na ranggong kalaban sa WTA.
Advertisement
