NAGA CITY – Nabisto na kan mga otoridad an lalaking piniridaso an lawas asin nadukayan sa duwang barangay sa Libmanan, Camarines Sur.
Sa nakuang impormasyon kan Bombo Radyo Naga gikan sa Camarines Sur Police Provincial Office (CSPPO), binisto an biktima na si Socimo Arciaga 51-anyos, negosyante asin residente kan Echague, Isabela.
Sa ibong kaini, nagpapadagos pa an mararumang imbestigasyon kan kapulisan para masusog an motibo sa panggagadan.
Kung marurumduman, nadiskobre na sana kan nagkapirang residente kan Barangay Potot, Libmanan an sakong nagpapataw-pataw sa salog asin kan buksan, duman na nahiling an nagkapirang pinutol na parte kan lawas kan tao.
Sa kataed na barangay naman, saro pang sako an nadiskobre kunsaen duman nakabugtak an payo asin nagkapira pang parte kan lawas kan biktima.
