Aram baya nindo mga ka-bombo, an Namib Desert sa Namibia an pigkokonsederar komo pinakagurang asin pinaka-alang na disyerto sa kinaban.
Kun kaya para sa mga nakakahiling asin nakakabareta na igwang makukua na pink refrigerator sa nasambitan ng lugar an labi an saindang pagkakilhag.
An nasambitan ng pink refrigerator an pigbugtak kan Namibian government’s tourist board asin nagin sikat na attractions o tanawin Africa.
Ini an pigdesinyo komo modernong paagi tanganing maibsan an pagkapahawa kan mga turista.
An refrigerator an pigpapagana kan solar energy, ini an mayong bayad asin para talaga sa mga turista.
Sigun sa mga report, ini an piglalaagan nin manlaen-laen na inumon siring kan bottled water, iced tea pirang beses sa sarong aldaw kun kaya dakulang katabangan para sa mga tawo na nagbibisita sa lugar.
Sa ngunyan ikinaogma man kan mga netizen an mapadapit sa nasambitan ng pink refrigerator asin kadakol an nagmamawot na mahiling ini.
