Pig-arestrar an sarong 28-anyos na Filipino na igwang kapot na green card kan nakalihis na Domingo kan mga otoridad kan United States sa California.
Ini an huli sa soboot pagpapadara nin mga pondo sa mga pinagtutubudan na Islamic State of Iraq and Syria terrorists (ISIS).
Pigbisto kan Department of Justice kan US an lalaki sa apelyido na Villanueva, na kinasuhan kan pagpurbar na pagtatao nin materyal na suporta sa sarong dayuhang teroristang organisasyon.
An nasambitan ng pagkakasala an igwang sentensiya na nag-aabot sa 20 taon sa pederal na kulungan.
Naireport na pigsaysay kan Department of Justice kan US na basado sa rekord kan sarong money transfer firm, si Villanueva an nagpadara nin 12 beses na bayad na nagkakantedad nin nasa $1,615 sa laog kan limang bulan sa duwang tagapamagitan na nag-access kan kwarta sa ibang nasyon.
An ISIS, sarong bistadong dayuhang teroristang organisasyon kan US, an responsable sa mga pag-atake sa haros 20 iba pang mga nasyon kabali na an Afghanistan, France, asin United Kingdom.
