Nagbagsak an piso kan Pilipinas sa bagong historikong pinakahababa na P63.615 kontra US dollar kasuudma aldaw nin Biyernes, Oktubre 23.
Mas nagbaba pa ini hale sa naenot na record na P63.52 na nairehistro sana kan nakaaging aldaw, matapos magbagsak sa P63.62 sa tahaw kan intraday trading bago dikit na anakabawi sa pagsara kan trading.
Ini na an ikatulong sunod-sunod na aldaw na nagrehistro nin record low an pambansang kwarta asin ika-31 beses na nagbagsak sa pinakahababang lebel sa kasaysayan ngunyan na taon.
Piglalaoman na magdudulot an padagos na depreciation kan piso nin paglangkaw kan gastos sa inangkat na lana, paglangkaw kan inflation, asin pagkabigat kan bayadan kan nasyon sa mga utang na nasa foreign currency.
Sa ibong kaini, pansamantalang makikinabang an mga pamilya kan overseas Filipino workers (OFWs) huli sa mas halangkaw na halaga kan conversion kan saindang remittance.
